Ang balitang ito ay kamakailan lamang inihayag ng prestihiyosong award-giving body na kinikilala at ginagantimpalaan ang mga mahuhusay na TV production sa Asia-Pacific region.
Ang mga mananalo ay papangalanan sa dalawang araw na awarding ceremony na gaganapin sa Maynila ngayong Disyembre 1 at Singapore ngayong Disyembre 8.
Nangunguna sa listahan ng TV5 at Cignal TV nominees ang Cignal Entertainment offerings na ang Sing Galing para sa “Best General Entertainment Programme”, Sing Galing Sing-Lebrity Edition para sa “Best Music Programme,” at Lakwatsika para sa “Best Theme Song.”
Nabigyan din si Aga Muhlach ng “Best Actor in a Leading Role” nomination para sa kanyang pagganap sa movieserye na Suntok Sa Buwan.
Habang ang komedyanteng si K Brosas ay na-nominate para sa “Best Entertainment Presenter/Host” bilang ‘Sing Master’ ng Sing Galing, kasama si Maine Mendoza para sa kanyang unang hosting stint sa travel show ng BuKo Channel na #MaineGoals.
Kabilang sa iba pang kilalang nominasyon ang P-pop reality search na Top Class at ang host nitong si Catriona Gray; at 2022 Station ID ng TV5, “Iba ang Saya ‘Pag Sama-Sama.”
Narito ang buong listahan ng TV5 at Cignal TV nominations para sa 27th Asian TV Awards:
Best Original Digital Entertainment Programme – Top Class: The Rise to P-Pop Stardom
Best Host/Presenter – Digital – Catriona Gray, Top Class: The Rise to P-Pop Stardom
Best Entertainment Presenter/Host – K Brosas, Sing Galing; Maine Mendoza, #MaineGoals
Best Actor in a Leading Role – Aga Muhlach, Suntok Sa Buwan
Best Theme Song – Lakwatsika
Best Comedy Programme – BalitaOneNan
Best General Entertainment Programme – Sing Galing
Best Music Programme – Sing Galing: SingLebrity Edition
Best Infotainment Programme – Rated Korina
Best Live Sports Coverage – UP vs Ateneo Finals Game 3, UAAP Season 84: Men’s Basketball
Best Sports Programme – The Game
Best Music Video – TV5, Iba ang Saya ‘Pag Sama-Sama
Originally published on Bandera.
